کوئٹہ سیشن کورٹ پر خودکش حملے کا تھریٹ الرٹ جاری
محکمہ داخلہ بلوچستان کی جانب سے کوئٹہ کی سیشن کورٹ سمیت عدالتوں کے لیے مبینہ خودکش حملے کا تھریٹ الرٹ جاری کیا گیا ہے۔
Related Posts
ایک سینیئر وکیل کے مطابق محکمہ داخلہ نے عدالتوں، ججز اور وکلا کو ارسال کیے گئے مراسلے میں ممکنہ حملے کے خدشے کے پیش نظر غیر معمولی احتیاطی تدابیر اختیار کرنے کی ہدایت کی ہے۔
وکلا کے مطابق مراسلے میں دعویٰ کیا گیا ہے کہ بلوچستان لبریشن آرمی (بی ایل اے) کی فدائی ونگ مجید بریگیڈ سے تعلق رکھنے والا مبینہ خودکش حملہ آور “حوران” اپنے ساتھیوں سمیت کوئٹہ پہنچ چکا ہے اور سریاب کے علاقے میں موجود ہے جہاں سے وہ کسی بھی وقت سیشن کورٹ یا دیگر عدالتی تنصیبات کو نشانہ بنا سکتا ہے۔