کراچی،سرعام جوئے کا اڈے، نوجوان نسل تباہی کے دہانے پر

کراچی (ویب ڈیسک)کراچی کے تھانہ میٹھا دار کی حدود میں سٹی ریلوے اسٹیشن کے علاقے میں ایک بار پھر بدنام زمانہ جواری رشید عرف رشیدہ نے جوئے کا اڈہ قائم کر لیا ہے، جس نے علاقے میں جرائم کی شرح کو مزید بڑھا دیا ہے۔ ذرائع کے مطابق، یہ جوئے کا اڈہ روزانہ لاکھوں روپے کی رقم کا جؤا کھیلنے کی سرگرمیاں جاری رکھے ہوئے ہے، جس میں مختلف جرائم پیشہ عناصر بشمول پولیس اہلکار، چور، ڈکیت، اور منشیات فروش بھی شریک ہیں۔

مقامی افراد کا کہنا ہے کہ رشید، جو اس اڈے کا مالک ہے، پیسے لے کر ان جرائم پیشہ افراد کو جوئے کے اڈے میں بیٹھنے کی اجازت دیتا ہے، جس کی وجہ سے علاقے کے نوجوان اس غیر قانونی سرگرمی کی طرف راغب ہو رہے ہیں۔

 نوجوانوں کو لالچ دے کر اس کام میں ملوث کیا جا رہا ہے، جس کے نتیجے میں علاقے میں چوری اور ڈکیتی کی وارداتوں میں بھی اضافہ ہو رہا ہے

علاقہ مکینوں نے اعلیٰ حکام سے درخواست کی ہے کہ اس جرائم کی بڑھتی ہوئی لہر کو روکنے کے لیے فوری طور پر کارروائی کی جائے۔ ان کا کہنا ہے کہ اگر جلد اس جوئے کے اڈے کو بند نہیں کیا گیا تو نوجوانوں کی زندگیوں کو تباہی سے بچانا مشکل ہو جائے گا

علاقہ مکینوں نے امید ظاہر کی ہے کہ پولیس اور قانون نافذ کرنے والے ادارے اس سنگین مسئلے کو سنجیدگی سے لیں گے اور جرائم پیشہ عناصر کو گرفتار کر کے انہیں کیفر کردار تک پہنچائیں گے