دعائیہ تقریب میں قرآن کی تلاوت اور اذان: ڈونلڈ ٹرمپ سمیت شرکاء کا اظہارِ احترام

واشنگٹن (ویب ڈیسک)ڈونلڈ ٹرمپ نے تقریبِ حلف برداری کے بعد دعائیہ تقریب میں قرآن پاک کی تلاوت اور اذان سنی

نومنتخب امریکی صدر ڈونلڈ ٹرمپ نے اپنی حلف برداری کے بعد واشنگٹن کے نیشنل کیتھیڈرل چرچ میں تمام مذاہب کی دعائیہ تقریب میں شرکت کی، جس میں مسلمانوں کی نمائندگی دی نیشنز مسجد کے امام ڈاکٹر محمد فراسر رحیم نے کی۔

قرآن کی تلاوت اور اذان کی گونج:
تقریب میں ڈاکٹر محمد فراسر رحیم نے سورہ حدید کی آیات 4 سے 7 کی تلاوت کی، جن میں اللہ کی قدرت، آسمانوں اور زمین کی تخلیق، اور بندوں کے اعمال پر اللہ کی نظر رکھنے کا ذکر ہے۔ تلاوت کے بعد دی نیشنز مسجد کے مؤذن ڈاکٹر شیخ اکبر شریف نے اذان دی۔

شرکاء کا احترام:
صدر ڈونلڈ ٹرمپ سمیت تمام شرکاء نے قرآن پاک کی تلاوت اور اذان کو خاموشی اور احترام کے ساتھ سنا، جو مختلف مذاہب کے مابین ہم آہنگی اور رواداری کا پیغام تھا۔

مکمل ترجمہ:
ڈاکٹر محمد فراسر نے ان آیات کے ذریعے انسانوں کو ایمان، نیک اعمال اور اللہ کی نعمتوں کا شکر ادا کرنے کی ترغیب دی۔ ان آیات میں آسمانوں اور زمین کی تخلیق کا ذکر اور انسانوں کو اللہ کے بندے اور جانشین ہونے کی یاد دہانی کرائی گئی ہے۔

یہ تقریب امریکہ میں مختلف مذاہب کے درمیان اتحاد اور امن کے فروغ کے لیے ایک اہم پیغام تھی۔