اخبار بلومبرگ نے بھارت کی سب سے بڑی قیمتی دھاتوں کی ریفائنری کے حوالے سے بتایا ہے کہ بھارتی زیورات کے تاجر سونے کی طلب کے مصروف ترین سیزن سے قبل خریداری روک کر بیٹھے ہیں

امریکی اخبار بلومبرگ نے بھارت کی سب سے بڑی قیمتی دھاتوں کی ریفائنری کے حوالے سے بتایا ہے کہ بھارتی زیورات کے تاجر سونے کی طلب کے مصروف ترین سیزن سے قبل خریداری روک کر بیٹھے ہیں، کیونکہ انہیں توقع ہے کہ قیمتوں میں حالیہ کمی کا سلسلہ مزید جاری رہے گا۔

ایم ایم ٹی سی پَیمپ انڈیا پرائیویٹ لمیٹڈ کے چیف ایگزیکٹو آفیسر اور منیجنگ ڈائریکٹر سمیت گُہا نے بتایا کہ زیورات کی زیادہ تر فروخت کرنے والی بڑی چینز نے ابھی تک مارکیٹ میں مکمل طور پر خریداری شروع نہیں کی۔ اس کے برعکس، چھوٹے اور درمیانے درجے کے زیورات کے تاجروں نے خریداری کا سلسلہ جاری رکھا ہوا ہے، جن میں سے بعض نے دوبارہ آرڈر بھی دیے ہیں۔ ایم ایم ٹی سی پَیمپ، سرکاری کمپنی ایم ایم ٹی سی لمیٹڈ اور سوئس ریفائنری پَیمپ ایس اے کا مشترکہ پراجیکٹ ہے۔