کوئٹہ

کوئٹہ: گھر سے سونا اور نقدی لے کر نکلنے والے دو کم عمر دوست لورالائی میں مل گئے!

کوئٹہ کے اسپینی روڈ، بی ایم سی ہسپتال کے قریب سے تعلق رکھنے والے دو 16 سالہ دوست، جو گزشتہ صبح اپنے گھروں سے نقدی اور زیورات لے کر لاپتہ ہوگئے تھے، لورالائی میں بحفاظت مل گئے۔

دونوں بچے کوچ کے ذریعے سفر کر رہے تھے کہ مسافروں میں سے کسی نے سوشل میڈیا پر بچوں سے متعلق چلنے والی اطلاع دیکھی اور انہیں پہچان لیا۔ مسافروں نے فوری طور پر دونوں بچوں کو روک کر لورالائی پولیس کے حوالے کردیا۔

اطلاع ملتے ہی بچوں کے والدین بھی کوئٹہ سے لورالائی روانہ ہوگئے اور اب دونوں بچوں کو بحفاظت واپس گھر لایا جا رہا ہے۔